គ្រូរបស់ Macarthur បញ្ជាក់ច្បាស់ពីចំណុចខ្លាំងរបស់ភ្នំពេញក្រោន
លោកគ្រូ Mile Sterjovski បានដឹកនាំក្រុម Macarthur FC បរាជ័យក្រោមថ្វីជើងម្ចាស់ផ្ទះភ្នំពេញក្រោន ដោយលទ្ធផល ៣-០ វគ្គសន្សំពិន្ទុក្នុងពូល F ពានរង្វាន់ AFC Cup យប់ថ្ងៃព្រហស្បតិ៍ ទី២៦ ខែតុលា ឆ្នាំ២០២៣ នៅពហុកីឡដ្ឋានជាតិអូឡាំពិក។
ក្នុងនាមជាគ្រូបង្វឹក លោក Mile Sterjovski បានខកចិត្តនឹងទម្រង់លេងកូនក្រុមរបស់លោក ដែលធ្វើមិនបានល្អ និងមិនអាចរកបានគ្រាប់បាល់លើភ្នំពេញក្រោន។ លោកមិនដាក់បន្ទុកលើកត្តាធ្វើដំណើរ អាកាសធាតុ ឬម្ចាស់ផ្ទះមានអ្នកគាំទ្រច្រើនទេ ប៉ុន្តែទម្រង់លេងរបស់ក្រុមលោកពិតជាធ្វើមិនបានល្អមែន ស្របពេលម្ចាស់ផ្ទះភ្នំពេញក្រោនមានយុទ្ធសាស្ត្រលេងដ៏មានប្រសិទ្ធភាព។
លោក Mile Sterjovski បាននិយាយថា ៖«នេះជាការប្រកួតដ៏លំបាកសម្រាប់យើង។ យើងដឹងថា ភ្នំពេញក្រោនជាក្រុមមួយដ៏ល្អ។ ភ្នំពេញក្រោនពិតជាស័ក្តិសមទទួលបានលទ្ធផលនេះ។ ពួកគេធ្វើបានល្អខ្លាំងត្រង់ការបោះបាល់ពីក្រោយខ្នងរបស់ខ្សែការពារយើង ហើយមានចលនាលេងស៊ីសង្វាក់គ្នាយ៉ាងល្អនៅលើទីលាន។ នេះហើយជាភាពខ្លាំងរបស់ភ្នំពេញក្រោន»។ព័ត៌មានកីឡាបាល់ទាត់ថ្មីៗ
Comments
Post a Comment