ក្លឹប RB Leipzig ចុះហត្ថលេខាលើកីឡាករ Eljif Elmas ពីក្លឹប Napoli

កាលពីនៅថ្ងៃទី 27 ខែធ្នូឆ្នាំ 2023 ក្លឹប RB Leipzig បានប្រកាសពីការចុះហត្ថលេខាលើកីឡាករ Eljif Elmas ពីក្លឹប Napoli។

ខ្សែបម្រើសញ្ជាតិម៉ាសេដូនីអាយុ 24 ឆ្នាំនឹងចូលរួមជាមួយក្លឹប Bundesliga នៅថ្ងៃទី 1 ខែមករា ឆ្នាំ 2024 ក្នុងតម្លៃខ្លួន 25 លានអឺរ៉ូ។ Elmas បានចុះហត្ថលេខាលើកិច្ចសន្យារយៈពេល 4 ឆ្នាំកន្លះដោយដំណើរការរហូតដល់ខែមិថុនា 2028 ហើយនឹងពាក់អាវលេខ 6 ។

នេះបើយោងតាម Bulinenews បានចុះផ្សាយថា ការចុះហត្ថលេខាលើ Elmas បំពេញតួនាទីវាយប្រហារដ៏សំខាន់មួយបន្ទាប់ពីការចាកចេញរបស់ Emil Forsberg ។Elmas បានបង្ហាញខ្លួនក្នុង 36 ប្រកួតក្នុងចំណោម 38 ប្រកួតរបស់ Napoli រដូវកាលមុន ហើយ គាត់បានបង្ហាញខ្លួន 16 ដងក្នុងការប្រកួតទាំងអស់នៅរដូវកាលនេះ ប៉ុន្តែទើបតែចាប់ផ្តើមបាន 4 ដងប៉ុណ្ណោះ។អានពត៌មានប្រចាំថ្ងៃ